રંગોની દીવાલ
રંગોની દીવાલ
1 min
233
હોળીના બહાને, તને સ્પર્શ તો કરું,
પણ વચ્ચે રંગોની દીવાલ છે.
ભાષા રંગોની એક, એ તો ખરું,
હશે એ પ્રેમની ? તે સવાલ છે.
પરવાનો બનીને, તને સ્પર્શ તો કરું,
મને તારી તડપનો ખયાલ છે.
વ્યર્થ બળ્યા પરવાના, શમા સારું,
કારણ રોશની માટે તે બેહાલ છે.
કવિ બનીને, કવિતા તો કરું,
પણ વચ્ચે શબ્દોની જંજાલ છે.
ક્યાંથી તારા રૂપ માટે શબ્દો લાવું,
શબ્દકોશ ધરાનો તે માટે પાયમાલ છે.
પ્રેમને મોહતાજ સ્પર્શનો નહી કરું,
'પ્રશાંત'નો મનમાં બસ આ ખયાલ છે.