રહે છે;
રહે છે;
1 min
13.7K
અધૂરપ ભાવ- નિર્મિત ચીજની ખટકી રહે છે;
હ્રદયમાં શૂળ માફક એજ તો અટકી રહે છે.
ગઝલ આરાધવાં; સાકારવાં માથું નમાવું,
ગળે ચગદાંની માફક રોજ શું લટકી રહે છે?
તને પામી જવી; ભૂલી જવી તારી જ મરજી;
અનિર્ણિત ક્ષણ વચાળે હોવું પણ ભટકી રહે છે.
ભરીને આંખમાં અમૃત રહે છે તું મલકતી;
તરસ બૂઝાવતી તારે શિરે મટકી રહે છે!
શબદ પણ થાય છે ભીનાં સનાતન સદ્યસ્નાતા;
પળે જે કેશરાશિ ભીની તું ઝટકી રહે છે!