રાજપાટ
રાજપાટ
એવાં રાજપાટ હવે રહ્યાં નથી,
છતાંયે ઘણાં રાજા બનીને ફરે છે
પોતાને મહાન સમ્રાટ સમજે છે
ને બીજાને ક્ષુલ્લભ સમજે છે,
રાજા ગયાં ને રાજપાટ હવે ગયાં
તોય રાજ રમતો ચાલુ જ છે
ભાવના ચક્રવ્યૂહ રચી બરબાદ કરે છે
અમીરીનો ફાંકો વધુ પડતો રાખે છે,
નીતિ નિયમો નેવે મૂકી ચાલે છે
રૂપિયા થકી અહમ વધારે રાખે છે
રાજા મહારાજા જેમ વટથી જીવે છે
પોતાનું એકચક્રી શાસન સ્થાપે છે,
લાચાર ને મજબૂરીનો લાભ ઉઠાવે છે
એ થકી રૂપિયાની થપ્પી ભેગી કરે છે
ભગવાન પણ જોઈ હેરાન છે,
રાજપાટ ગયાં પણ રાજાશાહી રહી ગઈ
માણસાઈ ભૂલાઈ ને રૂપિયા વહાલાં છે
હજુયે રાજપાટમાં લોકો જીવે છે.