પતંગની વેદના
પતંગની વેદના
પતંગરસિકો છોને આજે મોજ માણે.
પણ પતંગની વેદના આભ શું જાણે ?
છોને મળ્યું એને ઊડવા કેવું રે ગગન..!
તોયે નડતાં માનવનાં સાંકડાં રે મન,
જુદા જુદા રંગોને વ્યોમ પણ વખાણે,
પણ પતંગની વેદના આભ શું જાણે ?
મળ્યો છે દોર છૂટો એને ઠેકઠેકાણે,
વિચરતી આભમાં સંભળાતા ગાણે,
કરી વાત આભને ઓલ્યા તપતા ભાણે,
પણ પતંગની વેદના આભ શું જાણે ?
ઊડવું આનંદથી ને તોય વળી કપાવાનું,
ખૂણે ખાંચરે કે વીજપોલમાં ફસાવાનું,
પાછા દોર આપણો બાળકો જ તાણે,
પણ પતંગની વેદના આભ શું જાણે ?