પપ્પા, પૂછું સવાલ

નાનપણથી મનમાં ઊઠે છે કન્યા વિદાય પર સવાલ, 

આજે પૂછું તમને પપ્પા, ફરી એ જ સવાલ !

ક્યારે કોઈ દિકરો સાસરે નથી જાતો,

તો દીકરીઓએ કેમ પિયર ત્યજવું પડે ?

નથી કર્યા કોઈ દિકરાએ પત્ની માટે વ્રતો,

તો કેમ, દિકરીઓએ સારા વર માટે ઉપવાસો કરવા પડે ?

એક સાજન માટે સર્વસ્વ ત્જયવું પડે,

જૂના સંબંધો છોડીને નવા નિભાવવા પડે.

અસ્તિત્વ દિકરીનું નવું હવે ઘડાશે,

સંભારણાએ જૂનાં તમને રડાવી જશે. 

કોણે બનાવી આ કન્યાવિદાયની રસમ,

કેમ કરીને આ વસમી વેળા જશે !

મન ભારે અને પાંપણો થશે ભીની,

ઉંબરે ઓળંગતા દિકરી કેમ નોંધારી બનશે !

બાથમાં ભલે ભીડે સાજન, દે હાથમાં હાથ,

પણ અડધી રાતે ઉઠીને ચાદર કોણ ઓઢાવી જશે.