પંખીઓ

પંખીઓ ક્યાં ભણ્યા હશે ? 

કે એકજ હરોળમાં ઉડે છે, 

માણસો ક્યાં ભણ્યા હશે ? 

જે પાછળ વાળાને નડે છે,

પંખીઓ ક્યાં ભણ્યા હશે ? 

એકસાથે એ ઊંચે ચડે છે, 

માણસો ક્યાં ભણ્યા હશે ? 

જે આગળ વધતાને નડે છે,

પંખીઓ ક્યાં ભણ્યા હશે ? 

માળામાં તણખલા જડે છે, 

માણસો ક્યાં ભણ્યા હશે ? 

જે ઘરમાં ને ઘરમાં નડે છે,

પંખીઓ ક્યાં ભણ્યા હશે ? 

જે સાંજે એકમેકને મળે છે, 

માણસો ક્યાં ભણ્યા હશે ? 

જે અડધી રાતે રખડે છે,

પંખીઓ ક્યાં ભણ્યા હશે ? 

જેમનું જીવન થડે થડે છે, 

માણસો ક્યાં ભણ્યા હશે ? 

જે તરુવરને પણ નડે છે,

પંખીઓ ક્યાં ભણ્યા હશે ? 

સારસ મરે, સારસી રડે છે, 

માણસ ક્યાં ભણ્યા હશે ? 

મરતાકને ભૂત થઈ નડે છે.