પિયુ,વાદળ થૈ વરસો તો સારું !
પિયુ,વાદળ થૈ વરસો તો સારું !
પિયુ,વાદળ થૈ વરસો તો સારું !
ક્યાં લગી ચાતક થૈ તમને પોકારું...
પિયુ,વાદળ થૈ વરસો તો સારું !
આવી આ અષાઢી મોસમની રાત કિન્તુ પિયુજી વરસ્યાના લગી !
વીજળીના ઝબકારા, પવનના ભણકારા સાંભળી ના જાશો તમે ડગી !
તમે છલકો તો હું મોર થૈ કલગી શણગારું !
પિયુ,વાદળ થૈ વરસો તો સારું !
પિયુ, વ્હાલમની યાદોના ઝરણાઓ ઉપરથી વહેતા ખળખળખળ !
તમે પાન લીલું થૈ ફૂટો તો મારે'ય ખરવાનું ભીનુંભસ્સ થૈને ઝાકળ ...
આંખોમાં ડુમા ને ડુસ્કા ભૂલીને પાંપણ પલકારું!
પિયુ,વાદળ થૈ વરસો તો સારું !