પિતા

દીકરાઓ માટે ઝેર રહે છે જે પીતાં,

એટલે જ તો કહેવાય છે એને પિતા,

ખળખળ વહેતી એક નદીની માફક,

સપનાઓ પૂરા કરવાને રહે છે દોડતાં,

પાલનપોષણ કરે સંતાનોના લાડથી,

જોખમ લે છે જીવનું, ના કદી ડરતાં,

જિંદગી પૂરી ખર્ચી નાંખે સહુને માટે,

તેના પરિવારને કાયમ સુખ દેતાં દેતાં,

હૃદયમાં સંઘરી રાખે છે આંસુઓને,

કોઈને પોતાનું દુઃખ એ કદી ના કહેતાં !

કરેલા હોય પુણ્ય જો પાછલા જન્મે,

કહી શકો તમે, ત્યારે જ મળે છે પિતા !