પાયો

પપ્પા છે પાયાના પથ્થર

તેની ઉપર પેઢીનું ચણતર

ખીજ ચઢાવે-ધાક જમાવે

કેમકે બનશે પાકું ઘડતર

જો રિસાવું તો પાણી પાએ

પાક્કા પાયાના કોન્ટ્રાકટર !

રંગબેરંગી ટ્રોફી આપે

જાણે છે મળશે પાછું વળતર,

મારાં-માં ના સપના કાજે

તેમને નથી કંઈ પણ નડતર ?

હોય સખા કે પછી અદાં

એમના માટે સહુ સરખા સ્તર !

આલી સૌને શાનોશૌકત

ખુદ થઈ જઈને ઇતર-વિતર!

પાયા વિના ચણતર કેવું ?

કેમ બનાવો ઊંચું શિખર ?

પપ્પા છે પાયાના પથ્થર

સૌની નજરે ચઢે કાં શિખર ?