પાનખર વિત્યા પછી
પાનખર વિત્યા પછી
નિસર્ગનું ખેલ તો મસ્તાનું છે આ રંગીલું રંગીન !
પાનખર વિત્યા પછીનુંયે જીવન હોય છે સંગીન!
પાનખર વિત્યા પછીની વેળાએ................
આવી છે નવી ઘડી, નવલું નજરાણું લઈને !
બની પથદર્શક જોયું મેં પાછું ફરી જઈને !
પાનખર વિત્યા પછીની વેળાએ...............
કાલે હતું પથ મારું સાવ ઉજડું!
આજે જડ્યું મનનું સોનેરી તેજ ઉજળું!
પાનખર વિત્યા પછીની વેળાએ............
જિંદગીના કોરા કાગળ પર ન લખાયું હતું કંઈ!
પણ આજ તો કલમ મળે છે કાગળને જઈ!
પાનખર વિત્યા પછીની વેળાએ..........
અંધકાર તો જીવનપર્યંત હંમેશ છે રહેવાનો!
જ્ઞાનદીપના અજવાસથી એને છે દૂર કરવાનો!
પાનખર વિત્યા પછીની વેળાએ..........
ખોવાઈ જાઉં છું હું મારા જ સ્વપ્નોમાં !
શોધું 'સ્વપ્નીલ' બની મુજને મારા સ્નેહીજનોમાં!
પાનખર વિત્યા પછીની વેળાએ..........