નવી અંતાક્ષરી - 1
નવી અંતાક્ષરી - 1
ફરી એક નવો પ્રયોગ : પક્ષીઓ, પ્રાણીઓ, જીવ-જંતુઓ, શાક-ભાજી, ફળ, અનાજ, વૃક્ષો વગેરેના ઉપયોગો કે ખાસિયતોને આવરી લેતાં જોડકણાંની અંતાક્ષરી અહીં રજૂ કરેલ છે. આ રીતે ગાતાં-ગાતાં ઘણું શીખી શકાય છે. બાળકો સુધી પહોંચાડશો. તેમને ઘણું જાણવા મળશે.
પક્ષીઓ : જોડકણાં ક્રમાંક ૧ થી ૪ર
(૧)
કબૂતર તું ઓરું આવ,
ચણ નાખું ને પાણી પાવ.
તારી સદા જોઉં છું વાટ,
બેસવા તને ઢાળું ખાટ.
(ર)
ટમટમે ઘુવડની આંખ,
રાત પડે ને ફફડે પાંખ.
રાતભરનું તું ચોકીદાર,
તોયે મળતો ન આવકાર.
(૩)
રમત રમે કાબરબેન,
સાથમાં બીજાં કાબરબેન.
બંને મળીને નાચતી નાચ,
ગીત ગાતી અથડાવે ચાંચ.
(ક્રમશ:)