નિર્જીવ છે આ શબ્દો તોયે
નિર્જીવ છે આ શબ્દો તોયે
ઠોકર કોઈના એક બે શબ્દોની વાગી હશે,
ત્યારે જ આ કલમ પણ રડી હશે !
ત્યારે જ શબ્દોની કળી ફૂલ બની ખીલી હશે !
અકળાયેલા મુરઝાયેલા સપનાંઓએ જ્યારે માથું ઉચક્યું હશે,
ત્યારે ભીતર કોઈ વિચારોનો વંટોળ ઊઠ્યો હશે !
ત્યારે જ આ શબ્દો હૈયામાં લાવાની જેમ ઊઠ્યા હશે !
કોઈના કડવા શબ્દો તીરની જેમ હૈયું ઘાયલ કરી ગયા હશે,
ત્યારે વિંધાયેલ હૈયામાંથી આહ નીકળી હશે !
ત્યારે જ આ ડૂમો શબ્દ બની રડ્યો હશે !
જ્યારે કોઈની બેવફાઈ હૈયું દઝાડી ગઈ હશે,
ત્યારે ભીતરનાં ભાવ થીજી ગયા હશે !
ત્યારે પીગળતી લાગણી પણ બરફની જેમ થીજી ગઈ હશે !
ત્યારે જ આ થીજી ગયેલી પીડાને રજૂ કરવા આ શબ્દો વહી ગયા હશે !
નથી શબ્દોને જુબાન,તોયે બોલી ગયા હશે આ શબ્દો,
છે નિર્જીવ તોયે સજીવ બની ધબકી ગયા હશે શબ્દો !
એટલે જ ક્યારેક હૃદયની પીડા બની વ્યક્ત
થઈ ગયા હશે !