મુક્તિની શોધ
મુક્તિની શોધ
વ્યાપી વળેલી સઘળે જીવનમાં નિરાશાઓ;
એમાંથી ઊગરી જવાનો મળે જો કોઈ આરો,
વણથંભી વણઝાર ચાલતી રહેતી નયનમાં;
પડકારો સામે લડીને જીતવાની તમન્નાઓ...!
ઊઠતાંની સાથ જોડાઈ જતી ઘટમાળો તાજી;
નીકળી પડીને સુખની ગલીઓ ફેંદી વળ્યાં હાજી,
નિર્જન કાયામાં છૂપાઈ બેઠેલા શેતાન રાજી;
દુઃખનાં સરનામાં ભૂલી ગયાની સોગાત માંગે...!
ભાનુ નિજ કિરણોની લાલિમા ભોર થઈ પાથરે;
સૌંદર્ય ભરપૂર વિખરાયા પછી ખુદને માપે,
અંતર સર્વદા પ્રસન્નતાથી મુખમુદ્રામાં રાચે;
વિટંબણાની હારમાળા ઉછળી ઢળતી કિતાબે....!
છોડી બંધન દ્વારો મુક્તિની શોધ તીવ્રતા આરે;
ચેતના ભરી જીવન નિરંતર ફરતા ચક્ર ધારે...!