મને મળેલ સમય હજીયે યાદ છે

મારા એ સોનેરી પળ જીવનના 

શાળા જીવનના એ પ્રાંગણમાં

મને મળેલ સમય હજીય યાદ છે !

મેદાનની એ રમતો મિત્રો સંગે

હતી એ પળ મીઠેરી યાદ રંગે

મને મળેલ સમય હજીય યાદ છે !

સજીધજીને તૈયાર થઈ આવતા

શિક્ષક મારા અમને હસાવતા રમાડતા

મને મળેલ સમય હજીયે યાદ છે !

એ મૂળાક્ષરોની રમત, ચિત્ર સંગાથે

કાગળની કાપાકુપી કરતા સૌ સાથે

મને મળેલ સમય હજીયે યાદ છે ! 

ગણિત ગમ્મતને વિજ્ઞાનની મસ્તી

ત્યારે લાગતી હતી મને એ અટપટી

મને મળેલ સમય હજીયે યાદ છે !