મળે તમને

મહોબ્બતમાં વેદના ભર્યા દર્દને બદલે ખુશી મળે તમને,

ને આંસુના દરિયાને બદલે હોઠો ઉપર હસી મળે તમને,

અલગારી ઈશ્ક તો છે એક આકરી તપસ્યા ઈશ્વર પ્રાપ્તીની,

લગે રહો, કદાચ તમારી જ ભીતર સૂતેલો ઋષિ મળે તમને,

જોમ છે જોર છે કદમોમાં,ત્યાં સુધી આ સફરને જારી રાખો,

મારી શ્રદ્ધા કહે છે કે રસ્તામાં જ મથુરા ને કાશી મળે તમને,

કિરણોનો સહારો લઈ શોધ સૂરજની કરતા વધો આગળ,

શક્ય છે કે અચાનક રસ્તામાં ચમકતો શશી મળે તમને,

ચાર દીવાલોની કેદમાંથી જરા બહાર નીકળાય તો નીકળો,

બે ચાર સોપાન ચડો ને એક હસતી અગાસી મળે તમને,

મારા "પરમ" શબ્દો સાથે એકવાર તમે વાત તો કરી જુવો,

પળમાં થઈ જાવ "પાગલ" એવી બોલતી ખામોશી મળે તમને.