મહામૂલો માનવદેહ

મળ્યો છે મહામૂલો આ માનવદેહ,

ખા ખા કરી, આપો ન એને છેહ,

ન ગમતાં ગુણકારી, ઘરનાં શાક રોટલા,

ઠુંસી ઠુંસી ભરતાં, પેટને જાણી પોટલાં,

સમજ્યા વિના ખાતાં ખૂબ જ ચાઉથી,

પિત્ઝા, બર્ગર, નૂડલ્સ, ચિપ્સ ને પાઉં,

ઘરનાં કામોથી રહેતા જોજનો દૂર,

ને જીમ માટે ભરતાં પૈસા ભરપૂર,

સ્વસ્થ શરીરમાં વસે છે સ્વસ્થ મન,

કોણ સમજાવે એમને વાત આ કોમન,

કસરત, સમતોલ આહારથી શરીર બનાવો ચુસ્ત,

આળસ, જંકફૂડ ને બેદરકારીથી ન બનો સુસ્ત,

નીતિ નિયમથી જીવી, શરીરનું કરો રક્ષણ,

નહીં તો પાળેલા રોગો જ કરશે તમારું ભક્ષણ.