મારે તો એવો પતિ જોઈએ
મારે તો એવો પતિ જોઈએ
મારે તો એવો પતિ જોઈએ,
હું કહું એમ કરે એવો પતિ જોઈએ,
હું કહું રાત તો એ રાત કહે,
હું જો કહું દિવસ તો એ દિવસ કહે,
સવારે ઉઠીને બેડ પર મને ચા આપે,
સાથે બિસ્કીટ અને છાપુ પણ આપે,
ઝાડુ પોતા વાસણમાં મદદ કરે,
રસોઈનું સઘળું કામ સંભાળે,
બાળકોનું લંચ બોક્સ એ બનાવે,
બાળકોને સ્કૂલ ટ્યુશન મૂકી ને લઈ આવે,
બાળકોને હોમ વર્ક એ કરાવે,
હર રવિવારે મોલ અને રેસ્ટોરન્ટમાં લઈ જાય,
પહેલી તારીખે પગાર મારા હાથમાં આપે,
હર મહિને મન ભરીને શોપિંગ એ કરાવે,
હર વરસે વિદેશની ટુર એ કરાવે,
હોય મારો જન્મદિવસ સરપ્રાઈઝ ગિફ્ટમાં સોનું એ આપે,
હોય જો એનીવર્સરી તો હીરાનો હાર એ અપાવે,
કોઈ આદત ના હોય,જીભ એની લાંબી ના હોય,
જાજા ભાઈબંધ દોસ્તાર નાં હોય,
મારી આંખોથી એ દુનિયાને માપે,
પાઈ પાઈનો હિસાબ આપે,
મોબાઈલમાં કોઈ પાસવર્ડ ના રાખે,
મેકઅપ માટે પૈસા આપે,
મિત્રો વચ્ચે મારી વાહ વાહી કરે,
મારા ઇશારે એ નાચે,
હું એક આંખ કાઢું ત્યાં ભાગે,
મારે તો એવો પતિ જોઈએ.