માનવ જીવન મળ્યું છે મોંઘેરું

આ જીવન છે ઈશ્વરની ભેટ

તેને રાખીએ સંભાળીને હેત

માનવ જીવન મળ્યું છે મોંઘેરું.

ભૂલી જઈએ પરસ્પરના ભેદ

કરીએ સૌને માન સહ સ્નેહ

માનવ જીવન મળ્યું છે મોંઘેરું.

કડવું બોલીને ન દુખાવીએ મન

મૌન રહીને ટાળીએ ઝઘડાના મૂળ

માનવ જીવન મળ્યું છે મોંઘેરું.

મળ્યો છે સમય અમૂલ્ય સૌને

સત્કર્મ કરી જીવનને માણીએ

માનવ જીવન મળ્યું છે મોંઘેરું.

ઈશ્વરે આપ્યું જીવન અનોખું

ઈશ્વરી ભકિત કરી ઋણ ચુકવવું

માનવ જીવન મળ્યું છે મોંઘેરું.