લટાર મારી આવીએ

પરવાઓનાં પોટલાં હેઠા મૂકી,

ચાલ દોસ્ત !, મનગમતી દુનિયામાં,

લટાર મારી આવીએ....

મારું મારું કરનારને નેવે મૂકી,

મનગમતા માહોલમાંથી,

સ્નેહની ઉઘરાણી કરી આવીએ....

નોકરી, પગાર, રાશન,અરે ! કેટલી ચિંતાઓ,

એમને ઘરે જ તાળું મારી,

ખુલ્લા આભ તળે ફરી આવીએ...

ગણતરીનાં શ્વાસોનું પેકેજ આપ્યું છે પ્રભુએ,

જવાબદારીનાં તાસમાંથી બંક મારી,

થોડુ પોતાના માટે જીવી આવીએ...

સુવિધાઓ ખરીદવામાં નિરાંત વેચાઈ ગઈ,

મોટાઈ બધી કોરે મૂકી, નિખાલસતાથી,

પ્રકૃતિનાં ખોળે નીંદર લઈ આવીએ...

જિંદગીની રાહમાં ખાડા ટેકરા તો આવશે જ !

દુઃખોને દીવાદાંડી માની,

નાનકડાં જીવતરની મોજ માણી આવીએ.