કોઈ કહે કે કવિતા લખવી કોઈ કહે કે લેખ!
કોઈ કહે કે કવિતા લખવી કોઈ કહે કે લેખ!
1 min
12.9K
કોઈ કહે કે કવિતા લખવી કોઈ કહે કે લેખ;
મારે ભાગે આવી કેવળ કરવી છેકાછેક!
નામ લઈને રાધાનું ને મીરાં નામ ચીતરવું;
ઝેર- કટોરા પીવા કાજે પળપળ નેહ- નીતરવું
જોગ જગાવી અંતર- મનમાં ઉચ્ચારું અહાલેક!
કોઈ કહે કે કવિતા લખવી કોઈ કહે કે લેખ!
ૠતુકાવ્યોને લખતાં લખતાં મોજ નથી જે આવી;
એક જ અક્ષર પામ્યા એવો નવી જ મોસમ જાણી
હવે કહું જાતે જાણ્યું; એજ અફર છે કેફ !
કોઈ કહે કે કવિતા લખવી કોઈ કહે કે લેખ !