કલીંનાદનું કામણ

શું વાત છે, આજ આ મેહુલિયો કેમ લાગતો ખાસ..?

વરસાવી રહ્યો પ્રેમ બુંદોમાં ભરી એમ જ આસપાસ..!

વાદળોની મસ્તીમાં લપેટાઈ છેડાયો મસ્ત ભીનો રાગ,

રેલાયો સાજ મલ્હાર બુઝી તપ્ત ધરાનાં તનની આગ !

મહેંકી માટીની મદમાતી ખુશ્બુ ભરી મોહે બંસરી સાદ,

તન-મન પ્રેમામૃત તરબોળ થૈ ભીંજાયા સજની સજન !

સપ્તરંગી મેઘધનુષ્યે ચડાવ્યાં વ્હાલે કલીંનાદ બાણ,

વીંધ્યું હૃદય 'દીપાવલી 'નું વરસાદે ભારે કીધું કામણ !

વરસી રહી કૃપા આભલેથી જો અનરાધાર અવિરત,

જાણ્યું ઝીલતાં એ જ નીરખી શક્યું માંહે પડેલી મુરત !