કેવી અનેરી એ બાળપણની દોસ્તી..?
કેવી અનેરી એ બાળપણની દોસ્તી..?
યાદ કર એ બાળશેરીની રમતો
હજી એ આપણો ચહેરો હસતો
કેવી અનેરી એ બાળપણની દોસ્તી ?
ગિલ્લીદડો ને આંબલી પીપળી
રમીરમીને ગજવીએ એ શેરી
કેવી અનેરી એ બાળપણની દોસ્તી ?
બુક હોય મારી ને પેન તારી
લખતા બંને સાથે હળીમળી
કેવી અનેરી એ બાળપણની દોસ્તી ?
કિટ્ટી બિલ્લાને રોજ ઝઘડતા
એક કલાકમાં ફરી બોલતા
કેવી અનેરી એ બાળપણની દોસ્તી ?
બાળપણ સાથે એ દોસ્તી ગઈ
જાણે મારા જીવનની મસ્તી ગઈ
કેવી અનેરી એ બાળપણની દોસ્તી ?