કેમ આવું ?

લોકો આટલા ઉતાવળા કેમ છે ?

રાતની શીતળ ચાંદની પછી પણ

ઝાકળને માંગતા કેમ છે ?

સૂરજની આ આભ ક્ષિતિજે વેરતી,

પછી આ સાંજની લાલાશને,

આવકારતા કેમ છે ?

સબંધોમાં લાગણીનું વાવેતર,

છતાંય ચહેરા પર ચહેરો લગાવતા કેમ છે ?

ખબર છે ઠોકર મળશે રસ્તામાં 

છતાંય લોકો રસ્તે અટવાતા કેમ છે ?

ભીડ ભરેલી દુનિયા એટલે,

આ માનવ મહેરામણ,

ભીડમાં પણ લોકો ખોવાતા કેમ છે ?

એકાંતમાં પણ કોઈ યાદોને વાગોળતું 

એકાંતમાં પણ આટલો મન કોલાહાલ કેમ છે ?

હતો સંબંધ આતો નજરથી નજરનો,

પછી શરમાઈને નજર ઝુકાવતાં કેમ છે ?

ઝુકાવી આ નજરને,

સમજ્યા હદયના સુર,

તો પછી પાંપણે આ આંસુના 

તોરણ બંધાતા કેમ છે ?