જિંદગી તો જીવવી જ પડશે
જિંદગી તો જીવવી જ પડશે
ઘડી માટીની કાયા પ્રભુએ,
આપ્યું ઈશ્વરે વરદાન અનોખું,
પછી તેમાં પુરીયા પ્રાણ,
આપી જીવતરે ભાથું અનોખું.
ભૂલો થશે વ્યથા હશે કથા બનશે,
આ અંતિમ શ્વાસ સુધી,
જીંદગી તો જીવવી જ પડશે.
દિલ દુખશે અંતર બળશે પીડા થશે
ધડકશે જ્યાં સુધી ધડકનો,
જીંદગી તો જીવવી જ પડશે.
ઠોકરો મળશે પીડા થશે નિરાશા છવાશે
બધી વેદનાઓ સહી,
જીંદગી તો જીવવી જ પડશે.
બોજ લાગશે બંધન બંધાશે તો શું થયું ?
સંબંધોનું ઋણ ચુકાવવા,
જીંદગી તો જીવવી જ પડશે.
રમતો રમાશે દોષ લાગશે જખ્મો થશે,
સમયનો પાસો પલટવા,
જીંદગી તો જીવવી જ પડશે.
શ્રધ્ધા અસીમિત હૃદયે કર્મ કેરું ભાથું ભરીએ,
આંગળી થામી પ્રભુની ધર્મ કેરું ડગલું ભરીએ.