જિંદગી મળી
જિંદગી મળી
જાદુ સંબંધોથી બંધાયેલો પરિવાર મળ્યો
પરિવારથી ભરપૂર સ્નેહ મળ્યો
આ જિંદગી મળી જાદુઈ દુનિયા !
દુઃખમાં સહભાગી મિત્રો અનેક
સુખમાં મળે હાસ્યની ઝલક એક
આ જિંદગી મળી જાદુઈ દુનિયા !
પ્રકૃતિ માણવા સુંદર દ્રષ્ટિ આપી
સુંદરતા વર્ણવવા વાચા અર્પી
આ જિંદગી મળી જાદુઈ દુનિયા !
ગુણોથી ભરેલો ખજાનો આપ્યો
વડિલો જેવો મીઠો વડલો દીધો
આ જિંદગી મળી જાદુઈ દુનિયા !
પ્રેમથી રહેવા વિશાળ હૈયું
કામ કરવાને મગજ અનેરું
આ જિંદગી મળી જાદુઈ દુનિયા !
ઋતુચક્રથી ભરેલી દુનિયા અનેરી
એ માણવા પ્રકૃતિ મળી અમીરી
આ જિંદગી મળી જાદુઈ દુનિયા !
શિક્ષણ થકી મળ્યું જીવન મોંઘેરું
ગુરુ જેવા માર્ગદર્શન પથિક અનેરું
આ જિંદગી મળી જાદુઈ દુનિયા !
બાળપણ રુપે નિર્દોષતા મજાની
યુવાની માણવા શકિત અનોખી
આ જિંદગી મળી જાદુઈ દુનિયા !