હું છું જળ

 હું છું જલ, 

ધરવા સૃષ્ટિને શણગાર

છોડીને આ મહાસાગર,

બાષ્પ રૂપ ધરીને વાદળ થઈ ઘૂમું, 

હિમ, વર્ષા કે ઝાકળ  રૂપે રંગે રમું

જીવન ચક્રનું હું પૂરક કિમિયાગર

ઉષ્મા વિનિમય મમ વેપાર

વિમલ  જલ પંચ તત્વની મહા પૂંજી

અન્ન ખજાનો અર્પણ અપાર

પર્યાવરણ હો શુધ્ધ , દેશે જ ઉત્તમ ફલ

થઈ વાદળ હું ઘૂમુ , ધરવા વિમલ જલ

જાગો ચેતો , બચાવો નિર્મલ જલ , આ અવનિને આંગણ

જલ થકી છે જીવન , ચેતો ,રણે રમે ના વિનાશી પટાંગણ.

રમેશ પટેલ (આકાશદીપ)