હરિ દર્શન

હરિ દર્શન…

મંદિર મસ્જિદ  ચર્ચ ગુરુદ્વારા,

સ્તુતિ પ્રાર્થના ઢોલ  નગારા.

ડગલે- પગલે સ્થાપ્યા ડેરા,

કેમ દર્શન ન દેતા સર્જનહારા?

પંથ બનાવી તમે રચ્યા જ વાડા,

 મતાંતરે કીધાં  સ્વાર્થ કૂંડાળાં.

માણસ થઈ માણસ હડધૂત્યા,

જાણો એ કાજ અમે તો નારાજ્યા.

ના રુઠો , ધરશું ભોગ છપ્પન ભાવે,

શણગારશું હરિ હીરા-મોતી થાળે.

આરતી કરી મગ્ન ડોલીએ દરબારે,

ક્યારે આપશો અવિનાશી દર્શન વ્હાલે?

સદ્ વિચાર ને સેવા કાર્યની માંગું  હું પૂજા,

કપટ પ્રસાદી આરોગી ના થાશો જ ભોળા.

શ્રધ્ધા શરણથી ભાવે કરજો કીર્તન,

નિશદિન  અંતરે  રમશે  હરિદર્શન.

ભૂલી વેરઝેર સાધજો ચિત્તે ,ચૈતન્ય સગપણ

નમી નિજ ચૈતન્યને, પરમપદમાં કરજો રે રમણ

રમેશ પટેલ(આકાશદીપ)