હૃદયરંગ

હોળી ધુળેટીનો તહેવાર આવ્યો;

આનંદ ઉલ્લાસ મનમાં સમાયો,

રંગોથી હોળી રમવા ગઈ;

માનવ મહેરામણને સાથે લઈ,

લાલ પાણીની ભરી પીચકારી;

રૌદ્ર સ્વરૂપે નારીઓ જંપલાવી,

કેસરિયો રંગ લલાટે લગાવ્યો;

વીર પુરુષ નો શૌર્ય છલકાયો,

લીલો રંગ જમીન પર બીછાવ્યો;

ત્યાં પ્રકૃતિએ શણગાર સજાવ્યો,

વાદળી રંગ લાગ્યો ગગનવિહારીને;

ચિત્રો દોર્યા ગગનપંખીએ,

ધવલ રંગ તો હૃદયમાં ઉતાર્યો;

તેજસ્વી ઉજાસનો આનંદ મહેકાયો,

કાળા ધોળાનો રંગ તો નેવે મૂકાયો;

સમાંતર રંગ પુરા જોશે વખણાયો.