એવી કોઈ પળ ન હોય

લાગણીઓના આવેગની કોઈ ક્ષણ હોય,

ને જીવનમાં તારા જેવી જીવનસાથી આસપાસ ના હોય એવી કોઈ પળ ન હોય.

સવાર થતાંજ તારા વાળની ભીનાશ હોય,

ને તારા હાથથી બનેલી ચાની સુવાસ ના હોય એવી કોઈ પળ ન હોય.

દરવાજે ઊભી રહી સ્મિત વરસાવતી હોય,

ને બપોરના ભોજનમાં તારા હાથનો પ્રેમ રસ ના હોય એવી કોઈ પળ ન હોય.

સાંજે આવતાજ માથે હાથ ફેરવતી હોય,

ને આખા દિવસનો થાક ઉતારે એવો હેત ના વરસાવે એવી કોઈ પળ ન હોય.

ચાંદની રાતમાં મારી સાથે રમત કરતી હોય,

ને આલિંગનમા ભળી આવેગો જો ના ભરતી હોય એવી કોઈ પળ ન હોય.

રૂમઝૂમ પગલે આવેલી તું યાદ કરતી હોય,

ને જીવનસાથી બની ઓરતા જો હું પુરા ના કરું એવી કોઈ પળ ન હોય.