એમ નું એમ છે

અલ્લાહે પૂછ્યું કાનને કેમ છે?

બોલ્યા લમણે હાથ મૂકી બધું એમનું એમ છે

 

કહ્યું તું આપણે તેનાથી સાવ ઊંધું બાફ્યું છે

ધર્મના નામે આ એ કેવું હુલ્લડ આપ્યું છે

પાળ્યા છે તેને આપણા નામે બસ વહેમ છે

બોલ્યા લમણે હાથ મૂકી બધું એમનું એમ છે

 

મંદિર મસ્જિદમાં જઈને ખાલી ઈબાદત કરે છે

ને બીજી બાજુ આપણા નામે કેટલાય મારે છે

ગાયબ દયા ભાઈચારો શાંતિ અને પ્રેમ છે

બોલ્યા લમણે હાથ મૂકી બધું એમનું એમ છે

 

બાઈબલ ગીતા કુરાનનો ક્યાં ઉપદેશ છે કોઠે

ખાલી નામ છે જીસસ અલ્લાહ રામનું હોઠે

નીકળ્યું કથીર આપણે જ ધાર્યું તું હેમ છે

બોલ્યા લમણે હાથ મૂકી બધું એમનું એમ છે

 

અલ્લાહે પૂછ્યું કાનને કેમ છે?

બોલ્યા લમણે હાથ મૂકી બધું એમનું એમ છે