એક દોસ્ત એવો મજાનો.

હું તો સાવ શૂન્ય હતી

એકડો બની ને મળ્યો

મારું મૂલ્ય વધારતો ગયો

એવો મળ્યો છે મને એક દોસ્ત મજાનો

સુખનો સૂરજ તો સાવ આથમી ગયો હતો

ફરી સુખ કિરણ આપી ગયો

આવો મોંઘો મળ્યો છે મને એક દોસ્ત મજાનો

સાવ દિશા વિહીન હતો હું તો

યોગ્ય દિશા બતાવી જીવનની કેડી કંડારી ગયો

એવો ભોમિયા જેવો મને એક દોસ્ત મળ્યો મજાનો

હું તો સાવ એક કાચનો ટુકડો હતી

મૂલ્યવાન હીરાના મોલ બક્ષી ગયો એ

મને મળ્યો છે મોંઘા મુલો એવો એક દોસ્ત મજાનો

જિંદગીની જંગમાં ઢાલ છે

એના પ્યાર થકી હું માલામાલ છું

જિંદગીમાં મળ્યો મને એક એવો દોસ્ત મજાનો

મારા દર્દની દવા છે દોસ્ત

ઈશ્વરનું સુંદર નજરાણું છે દોસ્ત

જિંદગીમાં મળ્યો મને એક દોસ્ત સુંદર મજાનો