એ કોણ છે
એ કોણ છે
કોણ આ ચાંદને ચમકાવે અને
કોણ આ ફૂલોને મહેકાવે ?
કોઈક તો છે જ આ સૃષ્ટિને ચલાવનાર,
વિચારો કોણ આ બધું કરાવે ?
કોઈકને ઝીરોમાંથી હીરો બનાવે,
કોઈને રત્ન બનાવી ચમકાવે,
અંધકારમાંથી ઉજાસ તરફ એ લઈ જાય,
સાચી દિશા એ બતાવે,
એ કોણ હશે ?
કોઈને રંકમાંથી રાજા બનાવે,
ગરીબનું પણ ભાગ્ય ચમકાવે,
આ કર્મના લેખાજોખા કોણ કરતું હશે ?
જેવું વાવે એવું માનવી લણે,
એવું જ એનું ભાગ્ય બનાવે,
આ કર્મનો હિસાબ કિતાબ કોણ રાખતું હશે ?
અંધકારમાં એ ઉજાસ બની સાથ આપે,
દુઃખ દૂર કરી સુખનો સિતારો ચમકાવે,
આ હર પળે માનવીને અદ્ભૂત અહેસાસ કરાવતું કોણ હશે ?
જ્યારે લાખો નિરાશા સાંપડે ત્યારે આશાનો દીપક જલાવે,
નિરાશાને તો એ દૂર ભગાવે,
આ આશા નિરાશાનો હિસાબ કોણ રાખતું હશે ?
લાગે જ્યારે જિંદગી બોજ ત્યારે,
જીવનને એ મોજ બનાવે,
આ ઉદાસી અને ખુશીનો હિસાબ કોણ રાખતું હશે ?
આ જીવનમાં આવે પાનખર ત્યારે,
જીવનમાં એ નવી બહાર લાવે,
ઈન્સાનની દુઃખ સુખનો ખ્યાલ કોણ રાખતું હશે ?
હા એ એ જ એ એ જ છે એ એક છે,
જે દુનિયા ચલાવે,
જે દુનિયાનો સર્જનહાર છે.