ડોક્ટર
ડોક્ટર
ડોક્ટર,
ભગવાનનું બીજુ રૂપ કે પછી ભગવાન ?
છું આમ તો ઈશ્વરની કૃતિ હું તો,
તોય માની લે છે ઈશ્વર !
વધું ક્યાં હું કઈ કરુ છું ?
મળેલી ઈશ્વરની કૃપા ને આગળ વધારૂ છું !
લાખોમાં અમુક જ હોય છે જેણે પ્રાપ્ત થાય છે આ કૃપા !
ને બને છે એ ડોકટર !
સ્વપ્ન સેવ્યું નાનપણથી ડોકટર બનવાનું,
ને લાગ્યો તેની જ પાછળ રાત-દિન !
વાર તહેવાર પણ ભૂલીને,
બસ એક જ રટણમાં રહ્યો,
બનવું મારે બસ ડોકટર !
અભ્યાસ કાળમાં ઉથલાવ્યા પાના પુસ્તકોના,
હવે ઉથલાવું છું પાના જિંદગીના !
માનવી છું હું પણ,
હૃદય મારૂ પણ છે મીણનું,
પીગળી જાવ છું ક્યારેક લાગણીઓની ભીનાશમાં !
રહું છું આમ તો બહારથી નાળિયેર જેવો,
બહારથી કઠણ, ને અંદરથી નરમ !
દબાઈ જાવ છું ક્યારેક વધુ પડતી અપેક્ષાઓમાં !
વાંક એમા કોનો ?
માની લે છે લોકો ઈશ્વર મને,
ને ઈશ્વર સામે તો અપેક્ષા વધી જ જાય ને !
રેડી દઉ છું પૂરેપૂરો જીવ દર્દી ને બચાવવામાં,
તેમ છતાય રડી જાવ છું ક્યારેક
"આઈ એમ સોરી" કહેતા !
બજાવું છું હું તો કર્તવ્ય મારા ડોક્ટર હોવાનું તેમ છતા આપી જાય છે લોકો અંતરના આશિષ મને !
ત્યારે લાગે છે એ પળ બહુ કિંમતી
ને થાય છે ગર્વ ડોક્ટર હોવાનો..
જોવું છું ક્યારેક દર્દીની આંખોમાં એ જ દ્રઢ વિશ્વાસ છે હોય છે એણે ઈશ્વર પર,
એ જ વિશ્વાસથી જોવે છે એ મુજ તરફ !
છું હું તો તમારા જેવો તમારા માનો જ એક માનવી જ,
તોય બની જાવ છું એ આંખો માટે એનો ઈશ્વર !
છું હુ ડોકટર મને ડોકટર રહેવા દો,
ઈશ્વર ને ઈશ્વર રહેવા દો,
કદાચ ટકાવી શકું હું તમને આ પૃથ્વી ઉપર થોડો સમય !
સર્જન તો સર્જનહાર જ કરી શકે !