ચાલને રમીએ હોળી

તું લઈ લે ને અબીલ થોડો થોડો

હું લઈ આવું ગુલાલ થોડો થોડો

ચાલને રમીએ રંગોની હોળી !

તું લઈ આવને કેસુડાની કળી

હું લઈને આવું રંગોની પિચકારી

રમીએ કેસુડાના રંગથી હોળી !

હું લઈ આવુ રંગોની થાળી

તું આપને મને તારી હથેળી

રંગી દઉં તને રંગોથી હોળી !

વસંતે રૂડો વાયરો છે વાય

રંગો કેરો તહેવાર છે આજ

ચાલને કરીએ થોડી રંગોની હોળી !

વસંતની આજે આવી મોસમ છે

રંગોની આજે જાણી રમઝટ છે

ચાલને આજે રંગોથી મનાવીએ હોળી !