ચાલને ફરી
ચાલને ફરી
1 min
13.6K
ચાલ ને ફરી મળવા જઈએ,
વરસાદી વાયરામાં ફરવા જઈએ.
આટલું તો મેહુલ પણ નથી તરસાવતો ભૂમિ ને,
ચાલને ફરી હાથ ભીડીએ બધું ભૂલી ને.
જોને,ચારે બાજુ લીલું-કુણું ઘાસ,
હવે તું ના છોડીશ મારો હાથ,
ચાલને ફરી ખેંડીએ પ્રેમનો પ્રવાસ.
ટીપે-ટીપે ભીની માટીની મહેક માણીએ,
ચાલને ફરી આંખ માં આંખ પરોવીએ.
ના પૂછીશ ક્યારે છૂટશે આ સાથ,
ક્યાંય જોઈ છે અલગ વીજ ને ગાજ?
'નસીબ' મન મુકીને ફેલાવે હાથ,
ચાલને ફરી ભીંજાતા ભીંજાતા ભરીએ બાથ.