ભૂલાય છે;
ભૂલાય છે;
1 min
13.9K
શબ્દના વ્યાપારમાં ક્હેવા સમું ભૂલાય છે;
ને વિકલ્પે આંખથી આંસું સમું છલકાય છે.
લાખ કોશિશ બાદ પણ પગલાં યે અવરોધાય છે;
ચાલવાં જેવું નથી ત્યાં કાં ચરણ લઈ જાય છે?
આપને કારણ હંમેશાં હોંશમાં રહેવા મથું;
ખાલીખાલી જામમાં ચહેરા છવાતાં થાય છે!
ખૂબ ઊંડે ઊતરું તો પામી જઉં એનો પ્રકાશ,
સૂર્ય અસ્તાચળ થતાં કેવો સહજ દેખાય છે?
અંજલિરૂપે જીવ્યા તો લાખના માણસ થયાં;
માટીમેલું મન સહજ માટી મહીં સચવાય છે!