અતીતથી અત્યાર સુધી

આસાન કયાં હોય છે,

ભૂલવું આ અતીતને ?

એ સમાંયતરે ઉભરી આવે છે,

હવે ના કરીશ યાદ બધુંય,

વીતેલું વિચારતા ફરી ફરી,

તે પડઘાઓ ઉભરી આવે છે,

હા ! અટકતો નથી સમય,

અને શ્વાસ ચાલ્યા કરે,

જીવન પણ એકધારું,

એની સંગ મહાલ્યા કરે,

બધુય છોડયાના અહેસાસો,

સાલ્યા કરે ને કોઈ વળાંક પર,

સ્મૃતિ એ ઉભરી આવે,

લાગે કે નીકળી ગયો છું બહાર ભૂતકાળથી,

અને છૂટી ગયો છું એ મઘલખી જાળથી,

કોઈ તાંતણો ઝીણો સરીખો મનમાં ખૂંચ્યા કરે,

એ અણધારેલું ફરી તે ક્ષણ ઉગ્યા કરે,

પણ નિયમ છે સંસારનો કે પરિવર્તન થાય,

જિંદગી તણી બદલાય અચૂક રફતાર,

છો અશ્રુઓની ધાર સ્મરણ તે લૂંટયા કરે,

પણ હારેલા પર કંઈક કેટલાય જીવન જીત્યા કરે.