અતીતની યાદો

જિંદગીના રંગે રંગાઈ છું,

વહેતી નદી હતી હવે સાગર સાથે બંધાઈ છું,

ક્યારેક રંગવિહીન તો

ક્યારેક મેઘધનુષ્યના રંગોથી ચીતરાઈ છું,

અતીતના અડીખમ પહાડ સાથે અથડાઈ છું,

ક્યારેક ચૂરચૂર થઈ છું,

તો ક્યારેક પડીને પણ ઘડાઈ છું,

ક્યારેક અતીતની યાદોથી ઘવાઈ છું

તો ક્યારેક મહેફિલની શાન બની ચારેબાજુ ચર્ચાઈ છું,

ક્યારેક દુનિયાની ભીડમાં ખોવાઈ છું,

તો ક્યારેક સગપણનું મોતી બની કોઈના હૈયે જડાઈ છું.