અકળ, મૌન અને શાંત સાગર

શાંત, ઘૂઘવતો અને

પોતાનામાં જ મસ્ત રહેતો,

પોતાનાં વિચારોને,

વિવિધ મોજાંઓની ભાષામાં કહેતો,

જાણે કેટલાં સત્ય, અસત્યને,

કર્યાં છે દફન પોતાનાં પેટાળમાં,

છે અત્યારે, ભવિષ્યમાં,

અને જાણે કેટલાં સમયથી ભૂતકાળમાં,

બધી જ નદીઓના

નીરને પ્રશ્ન વિના કરતો ગ્રહણ,

છે તેની દુનિયામાં

માત્ર શાંતિનું જ એકમાત્ર ચલણ,

સર્વ જ્ઞાતા હોવાં

છતાં રહેતો ચૂપચાપ આ સાગર,

છલકવા દેતો એ

લોકોની અર્ધ ભરેલી જ્ઞાનની ગાગર,

તેનાં મૌનનાં શબ્દોમાં

છૂપાયેલા છે રહસ્યો હજાર,

સાંભળવાથી મળી

જાય કદાચ મારાં, તમારાં જીવનનો સાર.