અડસઠ તીરથ
અડસઠ તીરથ
પ્રેમની મીઠાશથી રંગીએ માઁ - બાપને,
અડસઠ તીરથ એને જ કે'વાય,
જીવતા રડાવીએ ને દાન કરી પુણ્યતિથિમાં,
એને તો ઢોંગી જ કહેવાય,
માનથી બોલાવીએ ઘરમાં માઁ - બાપને,
અડસઠ તીરથ એને જ કહેવાય,
જીવતા અપમાન કરી ફાળા આપી મંદિરોમાં,
એને તો ઢોંગી જ કહેવાય,
ખુશીથી રાખીએ ઘરમાં માઁ - બાપને,
અડસઠ તીરથ એને જ કહેવાય,
જીવતા પરાણે રાખી ને કરીએ શ્રાદ્ધ,
એને તો ઢોંગી જ કહેવાય,
સાજે માંદે રાખીએ ખ્યાલ માઁ - બાપનો,
અડસઠ તીરથ એને જ કહેવાય,
જીવતા દવા ન આપી ને બંધાવે હોસ્પિટલ,
એને તો ઢોંગી જ કહેવાય,
ભાવતા ભોજન જમાડીએ માઁ - બાપને,
અડસઠ તીરથ એને જ કહેવાય,
જીવતા ભૂખ્યા રાખી ને ખોલે અન્નક્ષેત્ર,
એને તો ઢોંગી જ કહેવાય.