આવી રે ભાઈ આવી

આવી રે ભાઈ આવી આજ રે હોળી

લાવી રે ભાઈ લાવી રંગોની ઉજાણી

ચાલો રે ભાઈ ચાલો રંગોની ભરીએ પિચકારી

ખુશીના રંગોની સૌ રમીએ આજે હોળી

આવી રે ભાઈ...

લઈ લો રે ભાઈ લઈ લો અબીલ ગુલાબ સંગ

કેસુડા કેરા રંગ બનાવીએ સૌ સંગ

હોળી કેરા પર્વની ઉજવણી કરીએ સંગ

નાનાં મોટાં સૌને રંગીએ આજે હોળીના રંગ

 આવી રે ભાઈ...

રંગબેરંગી રંગોના આજ થાળ ભરીને

કલરની પિચકારી નાની મોટી ભરીને

પરિવાર સંગ મસ્તીમાં આજે રે ઝૂમીને

ચાલોને ઉજવીએ હોળી સંગ મનભરીને

આવી રે ભાઈ...

હોળીના આ રંગ ભરે જીવનમાં નવા રંગ

મળે ખુશી હજારો, રહે સૌનો સંગ સંગ

આ તો છે રંગોથી ઉજવાતી આપણી હોળી

જીવનમાં ન આવે કોઈની ઉદાસીની હોળી

આવી રે ભાઈ.