આવ તું ચકલી!

આજ મારા આંગણામાં આવે એક ચકલી;

નાની શી ચાંચ ને નાનું શું પેટ તારું ચકલી,

છબી કાચની પાછળ માળો તારો મુકામ;

બારસાખમાં પાડતી કાયમ તરણાં, તું ચકલી,

ભીંતનું નાનું શું બાકોરું, ત્યાં રહેતી તું ચકલી;

એમાં મૂકતી ઈંડાં બે ચાર તું ચકલી,

ચીં ચીં મૂકતી કરી તારી આ બાળ સેના; 

દાણો એક લાવી કોળિયો ભરાવતી તું ચકલી,

દ્રશ્ય એ અદ્ર્શ્ય થયું હવે, છાપામાં જ રહી તું ચકલી;

મૂક્યું છે ઘર મેં બનાવી તારું, એમાં રહેવા આવ તું ચકલી.