આશની પુકાર
આશની પુકાર
દિનરાત કરતાં રહ્યાં હતાં કપરાં કાર્ય અપાર;
એક કદર ના મળી આ જીવને સચરાચર સંસાર ....!
ખભે લાદી દેવાયો હતો જવાબદારીઓનો ભાર;
ખોળતો રહ્યો બસ નિર્જન રસ્તાઓની કતાર...!
કળીઓની જેમ ખીલવાની ચાહના હતી બેશુમાર;
ફૂંકાતાં વાયરાઓનો પડતો રહ્યો મારો જોરદાર...!
લાગણીઓની મહેફિલ જામી હતી આરપાર;
રખડી પડેલી યાતનાઓની એમાં ખૂંપેલી ભરમાર...!
લક્ષ્ય વગરની કલ્પનામાં અટવાટો હતો ધબકાર;
કદર કરશે એ મન મહીં અઢળક આશની પુકાર...!