આમ ના કરાય...
આમ ના કરાય...
1 min
7.1K
આમ રુઠીને ચાલ્યા જવાય નહીં..
જામ ઢોળીને પાછો ભરાય નહીં..
રાત આખી જાગતા ને,
પડખા બદલાવતા..
બંધ આંખોમાં સમણું સમાય નહીં..
જામ ઢોળીને પાછો ભરાય નહીં..
પ્રેમ કેરી રાહને સૌ,
બંધ આંખે ચાલતા..
નીલ ગગને પાંખોથી ઉડાય નહીં..
જામ ઢોળીને પાછો ભરાય નહીં..
હ્રદય તણા સ્નેહને આમ,
વેચતાં ફરાય ક્યાં..
દિલ ખોલીને ક્યાંય મળાય નહીં..
જામ ઢોળીને પાછો ભરાય નહીં..
રુઠવું ને માનવું એ,
સદીઓની રીત છે જે..
''જગત'' આખું આજે મનાય નહીં..
જામ ઢોળીને પાછો ભરાય નહીં