આજે દશેરા છે

આજે દશેરાનો અનેરો ઉત્સાહ છે,

આજે સૌ ફાફડા જલેબી ખાય છે, 

માડી તારો વાસ ભક્તોના હૃદયમાં છે,

જેવાં ભાવે ભજે એવાં ભાવે તું મળે છે,

ગોરના કૂવાના દેવી દસે દિશામાં વહાલાં રે

ચેહરનાં તેજ ચમકે છેક ‌આભમાં રે,

ચેહર મા તું તો નોંધારીનો આધાર છે,

રૂપાબા, નાયણા નાગરની માનીતી છે,

માડી તું પાવરવાળી જોરાવર દેવી છે,

કળિયુગમાં દર્શન આપી પાવન કરે છે,

મા તું તો ચૌદ ભુવનમાં વાયુવેગે રમે રે,

દિલથી પોકાર પાડે એની ભેળી રહે રે,

ભોળી ચેહર મા તું તો દયાળુ દેવી છો,

ભાવનાભર્યા ભાવ સૂણી મહેર કરે છે.