આગ અને પાણી
આગ અને પાણી
શું તકદીર લઇને આવ્યા છીએ,
આપણે બન્ને, તું આગ અને હું પાણી.
ક્યારેય મળવાની આશા પૂરી નહિ થાય,
છતાંય બન્ને સાથે, તું આગ અને હું પાણી.
તારો ગુણ જલાવીને રાખ કરવાનો છે,
છતાંય બન્ને સાથે, તું આગ અને હું પાણી.
મારો ગુણ બધું વહાવી જવાનો છે,
છતાંય બન્ને સાથે, તું આગ અને હું પાણી.
તારી મને જલાવાની ઇચ્છા ક્યારેય પૂરી નહિ થાય,
છતાંય બન્ને સાથે, તું આગ અને હું પાણી.
મારી તને ડુબાડવાની ઇચ્છા ક્યારેય પૂરી નહિ થાય,
છતાંય બન્ને સાથે, તું આગ અને હું પાણી.
આખરે એક રીતે તો આપણે જોડાયેલા છીએ,
માનવ શરીર આગમાં બળી રાખ થઇ,
પાણીમાં પ્રવાહિત થાય છે, તું આગ અને હું પાણી.